NUTK-İ ŞERÎF
Tehî sanman siz beni dost yüzün görüp geldim
Bâkî devrân rûzigâr dost ile sürüp geldim
Ne var söylenen dilde varlık Hakk'ındır kulda
Varlığım hep ol ilde ben bunda garîb geldim
Gördüm yedi Tamu'sun sekiz Uçmak kamusun
Korkudan günâhımı andan sızırıp geldim
Âdem oldum durmadım nefsim boynun vurmadım
Yanıldım buğday yedim Uçmak'dan çıkıp geldim
Nûh oldum Tûfân için çok dürüşdüm dîn için
Dînime dönmeyeni suya gark edüp geldim
Yalan değildir sözüm bak yüzüme aç gözün
Dah'örtülmedi izim uş yoldan urup geldim
Eyyûb oldum tenime cefâ kıldım cânıma
Çağırdım Sübhân'ıma kurtlar doyurup geldim
Zekeryâ oldum kaçdım erdim ağaca geçdim
Kanım dört yana saçdım tepem deldirip geldim
Mûsâ'yla Tûr'a çıkdım bin bir kelime kıldım
Bu halâik bilsinler anda bulunup geldim
Îsâ oldum kudretden bahâne bir avretden
İnâyet oldu Hakk'dan ölü dirgürüp geldim
Cercîs olup basıldım Mansûr oldum asıldım
Hallâc panbuğu gibi bunda atılıp geldim
Muhammed'i bir gece Hakk okudu Mi‘râc'a
Serteser uçdan uca bile yüz sürüp geldim
Yalınız Sübhân idi peygamberler cân idi
Yûnus hod pinhân idi sûret değişüp geldim
Yûnus Emre
Kuddise Sırruh
NAĞME-İ AŞK
❤❤❤ Efendim Sayın Mustafa Tatcı'nın karşılaştırmalı hazırladığı Divân-ı ilâhiyat'da şu şekilde geçmektedir:
YanıtlaSilTehî görmen siz beni dost yüzin görüp geldüm
Bâkî devrân-rûzigâr dostıla sürüp geldüm
Ne var söylenen dilde varlık Hakk’undur kulda
Varlıgum hep ol ilde ben bunda garîb geldüm
Bezirgânam meta‘m çok dest-gîrüm üstâdum Hak
Ben ziyânum assıya anda degişüp geldüm
Yir ü gök yaradıldı ‘ışkıla bünyâd oldı Topraga nazar kıldı aksurdı durup geldüm
Gördüm yidi Tamu’sın sekiz Uçmak kamusın
Korkıdan günâhumı andan sızurup geldüm
Âdem olup turmadın nefsüm boynın burmadın
Yanıldum bugday yidüm Uçmak’dan sürlüp geldüm
Nûh oldum Tûfân içün çok dürişdim dîn içün
Dînüme dönmeyeni suya gark idüp geldüm
8 Yalan degüldür sözüm bak yüzüme aç gözün
Dah’örtülmedi izüm uş yoldan urup geldüm
9 Eyyûb oldum tenüme cefâ kıldum cânuma
Çagurdum Sübhân’uma kurtlar toyurup geldüm
10 Zekeryâ oldum kaçdum irdüm agaca geçdüm
Kanum dört yana saçdum depem deldürüp geldüm
11 Mûsâ’yla Tûr’a çıkdum bin bir kelime kıldum
Bu halâyık bilsünler anda bulınup geldüm
12 ‘Îsâ oldum kudretden bahâne bir avretden
İnâyet oldı Hak’dan ölü dirgürüp geldüm
13 Cercîs olup basıldum Mansûr oldum asıldum
Hallâc panbugı gibi bunda atılup geldüm
14 Muhammed’i bir gice Hak okıdı Mi‘râc’a
Ser-te-ser uçdan uca bile yüz sürüp geldüm
15 Yalunuz Sübhân’ıdı peygamberler cânıdı
Yûnus hod pinhânıdı sûret degşürüp geldüm