NUTK-İ ŞERÎF
Firkat ile yiter itdin kalb-i nâşâdı melûl
Kıl müyesser vahdet-i zâtiyyeye yâ Rab vüsûl
Cümle mevcûdâtda mestûr eyledin esrârını
Pes bu esrâr ile hayrân oldu erbâb-ı 'ukûl
Câm-ı 'aşkın cür'asını nûş iden görmez humâr
Her merâma mahz-ı fazlındır yine asl-ı usûl
Eyledi esrâ bi 'abdihî leylinin mi'râcını
Cân u dilden kim olursa Hazret-i Mevlâ'ya kul
İştirâ iden metâ'-ı vaslını cân nakdine
Gûş ider her zerreden zikrini bâ-sem'-i kabûl
Sâlik-i râh-i fenâya irmese senden nazar
Nite yol bulur Cenâb-ı Pâk'e bu 'abd-i zelûl
Nûr-ı zâtın lem'asından kıl Fenâyî'ye 'atâ
Mazhar ola tâ tecellî nûruna fevka'l-husûl
Ehl-i Cennet Mehmed Fenâyî Efendi
Kaddesallahu Sırrahu'l-Âlî
🌹
YanıtlaSil