Sen Oldun

NUTK-İ ŞERÎF

Bu genc-i dilde efkârım sen oldun

Geceler subha dek zârım sen oldun

Ne mümkün gayrı için edem figân

Olanca vird-i ezkârım sen oldun

Zarar gördüm kamu sûd-ı cihândan

Metâ-ı kesb ile kârım sen oldun

Fenâ bâğında soldu güllerimiz

Bekâ mülkünde esmârım sen oldun

Görünmez gözüme eşyâ ne ki var

Ki eşkâl ile etvârım sen oldun

Cihânda çok şehâ mahbûb-ı rânâ

Velâkin kalbde dildârım sen oldun

Ne lâzım bî-vefâ halk ile ülfet

Enîs-i sâdık u yârim sen oldun

Hücûm etse adûlar yeryerin hep

Ne havfım var nigehdârım sen oldun

Kusûr u cürmüme yokdur nihâyet

Ne horum gam ki gaffârım sen oldun

İdemem zülfünün sırrını inkâr

Ki îmân ile ikrârım sen oldun

Acebdir sırrını keşf ide Sûzî

Bi-hamdillâh ki settârım sen oldun

Ahmed Sûzî

Kuddise Sırruh