NUTK-İ ŞERÎF
Ey gönül sûreti ko sîrete gel cân taleb et
'Aşk bahrine dalup gevher-i 'irfân taleb et
Gezme beyhûde hevâ ile geçirme 'ömrün
Ehl-i 'irfâna eriş kâmil-i insân taleb et
Künc-i gamda koma Ya'kûb-ı dili zâr u hazîn
Mısr-ı tende yürü var Yusuf-ı Ken'ân taleb et
Kande baksan anı gör her kimi bilsen anı bil
Kande varsan ana var dergeh-i sultân taleb et
Cism-i zulmâtı olur perde-i ser-çeşme-i cân
Sen bu zulmetde dilâ çeşme-i hayvân taleb et
Sûrete bakılmakla ma'nâ bulunmaz zâhid
Ol büt-i safderi gör himmet-i merdân taleb et
Ehl-i dil 'ârif olup cenneti dîdâra değiş
Demezem tâ'at ile ravza-i rıdvân taleb et
Sûretin durma hazefpârelerin eyle şikest
La'l-i zî-kıymet-i 'irfâna yetiş kân taleb et
Gayr-bîn olsa nazar andan edüp kat'-ı nazar
Çeşm-i hak-bîn ile ol rü'yet-i cânân taleb et
Nice bir bağlaya inkâr ipi esfelde seni
Kat' edüp ol reseni rütbe-i şâhân taleb et
Ehl-i inkâr ile yâr olma Sabûhî zinhâr
Etme İblîs'e nazar sûret-i Rahmân taleb et
Sabûhî Ahmed Dede
Kuddise Sırruh
Hiç yorum yok:
Yorum Gönder