Bir Aceb Gavgâya Düşmüşdür Bu Nâs

NUTK-İ ŞERÎF

Bir 'aceb gavgâya düşmüşdür bu nâs

Ekserîsin azdırıpdır çü vesvâs

Havf-ı Hakk'dan gâfil olmuşdur bular

Hükm eder anlara her demde hannâs

Zikr-i Hakk'dan gâfil olmuş dilleri

İçleri olmuş mülevves is ü pas

Bahtlı tevhîd eden zâkirleri

Anları hiç etme bunlara kıyâs

Ehl-i tevhîdin çü gönlü nûr olur

Pes ezelde dînleri bulmuş esâs

Nefs ü şeytâna mücâhiddir bular

Çün bularda var basîret hem havâs

Hamdülillâh zâkirînden olmuşuz

Sûzi eyle hamd ile şükr ü sipâs

Ahmed Sûzî

Kuddise Sırruh