NUTK-İ ŞERÎF
Nice bir fi'l-i 'ibâdetde ola sehv ü halel
Nice bir kesb-i me'âsî nice bir kibr ü dagal
Nice bir hıdmet-i nefsinde olursun çâbük
Giricek bâb-ı 'ibâdâta tutar kabz u kesel
Nice bir "kâle yekûlü" nice bir "amr" ile "zeyd"
Nice bir mu'reb u mebnî nice bir lafz u mahal
Kâlini hâle değiş fırsatı fevt etme sakın
Sana assı ede mi hasret ü gam çekse mahal
Nice bir cüz'î vü küllî nice bir resm ile had
Nice bir vehm ü kıyâs ile ola ceng ü cedel
Nice sugrâ ile kübrâ diyesin fâidesiz
Gey sakın hayret-i kübrâda olur kesb-i zelel
Nice bir şekl-i düvümde düşesin eşkâle
Çün netâyici anın olmaya 'irfâna bedel
'İlm-i lâ-yunsarıfa sarf olıcak 'ömr-i 'azîz
Müşkilin rûz-ı haşir korkum odur olmaya hal
Değişip vehmi yakîne olagör ehl-i temîz
Yoksa bu hâl ile müşkil olısar irse ecel
Bu iki 'illet ile Hak yoluna olmadı sarf
Birisi hubb-i riyâset birisi tûl-ı emel
Nice bir dikkat-i fikrin bu gerekmez yerde
Sana ne assı ede felsefede fikr-i hıyel
Tutalum 'ömrün oldukça buna sâ'î olasın
Kalısar huşk-i sudâ' ile hemân kuru mesel
Nice bir hırmen-i 'ömri savurup bâd-ı hevâ
Eline girmeye habbe diyesin müşki-i la'l
Nice bir cübbe vü destârına hammâl olasın
Hay sakın bâr-ı girânında erer sana halel
Cümleden kat'-ı alâka edüben Hakk'a sığın
Bana kaç demedi mi Hazret-i Hakk azze ve cell
Şemsiyâ ceyş-i kuvâ göçmeğe yüz tutdu kamu
Sen de rıhlet yarağın gör bu yola eyle 'acel
Şemseddîn Sıvâsî
Kuddise Sırruh
Hiç yorum yok:
Yorum Gönder