Vardım Seherî Tâat İçün Mescide Nâgâh

HİKMET

Vardım seherî tâ'at içün mescide nâgâh

Gördüm oturur halka olup bir nice gümrâh

Girmiş kemer-i vahdete almış ele tesbîh

Her birisinin vird-i zebânı çil ü pencâh

Dedim ne satarsız ne alırsız ne verirsiz

K'aslâ dilinizde ne nebî var ne hod Allah

Dedi biri kim şehrimizin hâkim-i vakti

Hayr etmek içün halka gelir mescide her gâh

İhsânı ya pencâh ya çildir fukarâya

Sabr eyle ki demdir gele ol mîr-i felek-câh

Geldiklerini mescide bildim ne içindir

Yüz döndürüp andan dedim ey kavm olun âgâh

Sizden kim ırak oldu ise Hakk'a yakındır

Zirâ ki dalâlet yoludur gitdiğiniz râh

Tahkîk bu kim hep işiniz zerk ü riyâdır

Taklîddesiz tâ'atiniz cümle hebâdır

Bağdadlı Rûhî
Rahmetullahi Aleyh