NUTK-İ ŞERÎF
Bugün seyr itmişemdir lâ-mekânı
Nişânsız görmüşem ol bî-nişânı
Cemâli perdesin gördüm götürdü
'Ayân oldu gidüp şekk ü gümânı
Bu vîrân içre gizlenmiş şehinşâh
Harâbâta koyup genc-i nihânı
Düriş vasla nigârı bunda bulsan
Ya bul bâri anı bunda bulanı
Dimen rü'yet muhâldir sana bunda
Berü gel sen bana ko imtihânı
Vücûdun katrasın bahra irgür
Yu gitsin anda bu nâm u nişânı
Murâd idindi didi Mûsâ "erinî"
Cevâb anı işitdi "len terânî"
Çü benlik gitdi benden mahva vardım
Neye kim bakdımsa gördüm anı
O vahdet burcuna çün çıkdı gördü
Cemâli Şems bu zerre-i 'ayânî
Akşemseddîn Velî
Kuddise Sırruh
Hiç yorum yok:
Yorum Gönder