Ey Tâlib-i Dünyâ Sana İbret Niçün Olmaz Selef

NUTK-İ ŞERÎF

Ey tâlib-i dünyâ sana 'ibret niçün olmaz selef

Etmek revâ mı dâimâ sermâye-i 'ömrün telef

Bir gün seni yâr-ı gâr sayyâd-ı mevt eyler şikâr

Aç dîdeni cânın uyar 'özr-i bahâne ber-taraf

İz'ânı olan kâmile lâyık budur hadden bile

Fahr eyler idi fakr ile Peygamber-i 'âlî-şeref

Ol server-i 'ulvî-neseb ihyâmıza oldu sebeb

Verdi bize ol lutfu Rabb her bir hadîsin ber-tuhef

Fevt etme Fazlî fırsatı kıl kurb-ı zâta rağbeti

Olmaz kemâl-i kıymeti dürrden cüdâ olsa sadef

Seyyid Osman Fazlî Efendi

Kaddesallahu Sırrahu'l-Âlî