Gel Ey Dil-i Câm-ı Cem Sen Kendini Âyîne-i Sâf İt

NUTK-İ ŞERÎF

Gel ey dil-i câm-ı cem sen kendini âyîne-i sâf it

Yeter jeng-i keder âyînen üzere sende insâf it

Muhît olmak dilersen 'âlem-i esrârı ser-tâ-pâ

'Uluvv-i himmetiyle çarha ser çek kendini kâf it

Çerâgâhın eğer olduysa sümbül-zâr-ı lâhûtî

Vücûdun misk-i ma'nâdan yürü var sûreti nâf it

Alnın ger irmediyse sidre vü tûbâ-yı tahkîka

Dilin sen tâ be key ey müdde'î âlûde-i lâf it

Bugün bu meşreb-i Hakkı'dan iç câm-ı musaffâyı

Bu germiyyetle kendin meclis-i ma'nâda vassâf it

İsmâil Hakkı Bursevî

Kaddesallahu Sırrahu'l-Âlî