Güzergâh-ı Fenâdan Geldi Geçdi Er Olanlar Hep

NUTK-İ ŞERÎF

Güzergâh-ı fenâdan geldi geçdi er olanlar hep

İrişdi menzile hem âhir er-perver olanlar hep

Gider tâc u kabâ bir gün olurlar cümleden 'uryân

Yatarlar kul gibi hâk içre şol server olanlar hep

Metâ'ı cümlenin âhir çıkar çün yevm-i tüblâda

Ayaklarda sürünür bunda ya'nî ser olanlar hep

Tutarlar arsagâh-ı haşrı sayt-ı hasretâ ile

Bugün bezm-i cihânda ehl-i şûr u şer olanlar hep

Kurulur tahtgâh-i 'adl-i Hakk meydân-ı mahşerde

Sorulurlar ra'iyyetden bugün dâver olanlar hep

Basarlar ol bisât-i 'adle bir bir Hakkıyâ akdâm

Durur cümle berâber dâver ü çâker olanlar hep

İsmâil Hakkı Bursevî

Kaddesallahu Sırrahu'l-Âlî