NUTK-İ ŞERÎF
Geldim sûzâne şem'a pervâne
Bakmazem câne gizli bâzâr var
Yan yüreğim yan gör ki neler var
Bu halk içinde bize güler var
Dil-i bîmârım sorsa ol yârim
Ne var hünkârım âh-ı seher var
Yan yüreğim yan gör ki neler var
Bu halk içinde bize güler var
'Aşk ile giryân ciğerim biryân
Olmuşam hayrân cânda eser var
Yan yüreğim yan gör ki neler var
Bu halk içinde bize güler var
Zülfü telinden bâğı gülünden
Dost'un ilinden geldim haber var
Yan yüreğim yan gör ki neler var
Bu halk içinde bize güler var
Gönlüm pür yâre geldim tîmâre
Eylegil çâre dilde keder var
Yan yüreğim yan gör ki neler var
Bu halk içinde bize güler var
Derdiyle hoşem mest ü medhûşem
Dost'dan gelmişem bende güher var
Yan yüreğim yan gör ki neler var
Bu halk içinde bize güler var
Sûzî dilim var tâze gülüm var
Gizli sırrım var bende hüner var
Yan yüreğim yan gör ki neler var
Bu halk içinde bize güler var
Ahmed Sûzî
Kuddise Sırruh
"İnlemekden ve yanmakdan başka kârı yok!"
YanıtlaSil"Her kim âşıkdır yolda sâdıkdır
YanıtlaSilSâdık olana anda neler var"