NUTK-İ ŞERÎF
Tâ ezelden aşk oduna yanar bir pervâneyem
Cân u dilden geçmişem bir terk-i ser dîvâneyem
Gâh yerim humhânedir gâh mescid ü gâh medrese
Gâhi dervîş gâhi molla gâhi seyyid-zâdeyem
Nûş idelden 'aşk şerâbın olmuşam hayrân u mest
Gâhi hây u gâhi hûy u gâhi cihân sultânıyem
Sofu gel bu bezme gir de gör ne vahdet bâğıdır
Gâhi cânân gâhi cân gâhi âşık-ı şeydâyem
Ne Nizâmoğlu'yam ne Seyfî'yem ne Zülfikâr'em
Bilmiş olun cümlenizin cismi içre ben cânem
Seyyid Nizâmoğlu Seyyid Seyfullah
Kaddesallahu Sırrahu'l-Âlî
Hiç yorum yok:
Yorum Gönder