NUTK-İ ŞERÎF
Gel berü ger tâlib isen kim bulasın hâ vü kâf
İçini pâk eyle gitsün şirk ü şübhe şîn u kâf
Gönlünü kibr ü riyâ gavgâlarıdan hâlî kıl
Tâ ki lezzet vire sana çille halvet i'tikâf
Kendi ilinde dilersen hacc u 'umre müzdünü
Lutf ile vîrân gönüller ka'besin eyle tavâf
Çün ki mâlin düşmenindir terkin ur kim ola dost
Şol kadar rızk iste Hakk'dan kim sana ola kifâf
Genc-i pinhân buldun ise key sakın eyleme fâş
Çünki müflissin ko urma zerk ile beyhûde lâf
Sad-hezârân kârubân bu yolda cân virdi henüz
Kim biri menzile yitdi bu yolu sanma güzâf
Kimse hiç simurga irmez uymayınca hüdhüde
Pes ne bilsün değme kuş kim kancarudur Kûh-i Kâf
Ger Hakk'a irmek dilersen bâtıl işden tövbe kıl
Mustafâ şer'ini tut kim hak resûldür bî-hilâf
Bir 'amel kılgıl ki yarın derdine dermân ola
Hazret'e karşu durıcak her halâyık sâf sâf
Ol Habîb'in hürmetiyçün yâ emânel-hâifîn
Bu Kemâl Ümmî za'îfün suçunu sen kıl mu'âf
Biz yazıklı kullarını cümle îmân ehliyle
Dünyede vü âhiretde neccinâ mimmâ nehâf
Kemâl Ümmî
Kuddise Sırruh
Hiç yorum yok:
Yorum Gönder