NUTK-İ ŞERÎF
Hakk'dan 'inâyet olmasa himmet nice te'sîr ide
Kimindir ki takdîri koyup bir gayrı iş tedbîr ide
Bir mürşid-i kâmil bulup andan nefes almak gerek
Bulmaz nefesden bûy ebed hizmetde kim taksîr ide
Kandîl-i pür-âb eyleme tâ kim çerâğ ola münîr
Nûr-ı Hudâ yanmaz hevâdan dil ki kendin seyr ide
Hûn-ı sivâyı nişter-i tevhîd ile ihrâc kıl
Çün kim damardan kan tama Hakk yerini pür-şîr ide
El-hamdü lillahi'l-gafûr eş-şükrü lillahi'ş-şekûr
Şükr eyle Hakkı ni'mete tâ Hakk anı teksîr ide
İsmâil Hakkı Bursevî
Kaddesallahu Sırrahu'l-Âlî
Hiç yorum yok:
Yorum Gönder