Geçenler Kıyl İle Kâlden İrenler Asl-ı Deryâya

NUTK-İ ŞERÎF

Geçenler kıyl ile kâlden irenler asl-ı deryâya

Geçer elfâz u ekvândan irer mefhûm u ma'nâya

Sivâlardan olup tâhir hakîkatle olur zâhir

Hakk'a hakkıyla olur nâzır varır matlûb-ı a'lâya

Geçüp tecríd u tefrîdi bulur esrâr-ı tevhîdi

İrer tahkîka tasdîki komaz işini ferdâya

Görünüp küllü şey hâlik yetirir cümleye sâlik

Olur bir devlete mâlik ki yokdur hiç ana gâye

Gel ey Bîçâre bu hâlden umarsan hâssa-i bâlden

Bırak âyîneyi elden tenezzül itme eşyâye

Abdullah Bîçâre

Kuddise Sırruh