Zikr İle Eyle Hizmet-i Mezkûr

NUTK-İ ŞERÎF

Zikr ile eyle hizmet-i mezkûr

Ola tâ hizmet ü sa'yin meşkûr

Eyle ihlâs ile 'amel tâ kim

Vire ecr-i cezîl Rabb-i Şekûr

Ne kadar gâlib olsa sende hulûs

O kadar zâid olur Hakk'dan ücûr

Bu hulûsun misâlidir iksîr

Tarh-ı dirhemden ider elf zuhûr

Seyyiâtin döner hasenâta

Kalb ider sûretin Allah Gafûr

Bir hakîkatden olur nice suver

Nefhine göre ilâ nefhi's-sûr

Nâzır ol vech-i vahdete Hakkı

Olasın Hakk'a sen dahi manzûr

İsmâil Hakkı Bursevî

Kaddesallahu Sırrahu'l-Âlî