NUTK-İ ŞERÎF
Bir meşreb-i mest ile görüş şâm u seherde
Def'-i gam içün bâde-keş ol kalma kederde
Elvân-ı nakşına sakın aldanma fenânın
Zarf-ı zeherin âdeme her kârı hatarda
Envâ'-ı beliyyesi zamânın tükenir mi
Bir cây-ı sürûr var mı bugün berr ü bahirde
Âsâyiş-i âlem bozulup dahi düzelmez
Hayât mı ola hâşâ ki deryâ-yı zeherde
Ebnâ-yı zamânda bulunan aklı mîzân et
Bir per-i sinekden de hafîf kûy ü şehirde
Erlik eseri kalmayalı hayli zamândır
Huddâm-ı nisâ oldu ricâl şekl-i keferde
Lutfî ne bakarsın ki güneş batdı kamer hem
Zıyâ mı umarsın yine çıkmış bu basarda
Alvarlı Efe Hâce Muhammed Lutfî
Kaddesallahu Sırrahu'l-Âlî
Hiç yorum yok:
Yorum Gönder