NA'T-I ŞERÎF
Yâ Resûlallah sensin zâkir ü mezkûr-i Hakk
Yâ Habîballah sensin şâkir ü meşkûr-i Hakk
Yok durur âyinen üzre zenbden aslâ gubâr
Mâ tekaddem mâ teahhar olalı mağfûr-i Hakk
Dürr-i beyzâ-yı zâtın düşdü yâkût üstüne
Tâ ezel oldu vücûdun cevher-i manzûr-i Hakk
Sende derc oldu kamu âsâr-ı ef'âl ü sıfât
Doğdu zâtın matla'ından âfitâb-ı nûr-i Hakk
Zikrini bir mertebe ref' etti zü'l-'arşi'l-mecîd
Oldun 'âlemde çü hurşîd-i felek meşhûr-i Hakk
Cürm-i Hakkı hadden aşdı yâ şefî'al-müznibîn
Kıl şefâ'at rûz-i mahşer tâ ola ma'zûr-i Hakk
İsmâil Hakkı Bursevî
Kuddise Sırruh
Hiç yorum yok:
Yorum Gönder