NASÎHAT
Dembedem kan ağla ey çeşmim türâb olsan gerek
Hakka tâ'at ile ey çeşmim harâb olsan gerek
Uyan ey miskîn uyan bir gün erer ansız ecel
Kabr içinde nice yıllar mest-i hâb olsan gerek
Mürşide erüp eğer derde devâ buldunsa sen
Zerre-i nâçiz iken bir âfitâb olsan gerek
Ger eger pâk eyledinse gayrıdan bu dil milkini
'Âleme pertev salar bir mâhitâb olsan gerek
On sekiz bin 'âlemin sen defter-i dîvânısın
Dest-i kudretle yazılmış bir kitâb olsan gerek
Emr-i Hakk'ı terk edüp olma esîr-i nefs-i şûm
Rûz-i mahşer her ne etdinse hisâb olsan gerek
"Men 'aref" sırrından âgâh ol Nizâmoğlu bugün
Bahr-i vahdetden zuhûr etmiş habâb olsan gerek
Seyyid Nizâmoğlu Seyyid Seyfullah
Kuddise Sırruh
Hiç yorum yok:
Yorum Gönder