NUTK-İ ŞERÎF
Kim ki derer bu kûşenin lâlesini kucak kucak
Bağrın yakar bâşına kân koyar felek tabak tabak
Câm-ı ecel içirmeğe herkesi sâkî-yi felek
Meş'ale-i mihr ü mâh ile dün gün arar bucak bucak
Bâğ-ı fenâya kim gelir sanır murâdı el verir
'Asr-ı cefâ ineb gibi kânın döker çanak çanak
Kankı çerâğı kim yakar bu tekye içre rûzgâr
Köyleyüben üf demeğe gezer bu dem ocak ocak
Gülşen-i fânîye gelüp kim kosa bâşına gülü
Sarsar-ı gayreti hemân kopar anı varak varak
Nice te'ayyün eylesin tîh-i fenâ misâfiri
Ardın sürer çünki ecel kâfilesi konak konak
Deşt-i fenâda nice bir ün ile nefsin âhûsu
Sayd etmeğe gürg-i ecel izle yürür toyak toyak
Ravza-i 'âlemde kimin revha ede fidânını
Tîşe-i kahr ile dönüp kesmeyiser budak budak
Atlas-ı 'unsuru dokur her kime cüllâh-ı cihân
'İzzet-i şevket Şemsiyâ tîz sökiser tarak tarak
Şemseddîn Sıvâsî
Kuddise Sırruh
Hiç yorum yok:
Yorum Gönder