NUTK-İ ŞERÎF
Cemâl-i zât-ı a'lâna olupdur kâinât mir'ât
Sıfât u zât-ı pâkini kamu eşyâ eder inbât
Cemâlin cilvesinden pes nümâyân nice cünbüşler
Kemâl-i kudretinden hâk olur ihyâ eder isbât
Bu 'arş ü kürsi nüh eflâk kamusu emrinle kâim
Bu şems ile kamer cümle kevâkib zâtına âyât
Edüpsün her birin bir hizmet ile cümleten me'mûr
Olurlar emrine mahkûm ederler sem' ile tâ'at
Dahi bu çarh-ı tâk devvârı dahi arz-ı sitemkârı
Şu'ûnun seyrine burhân ederler hebb-i işârât
Muvahhidler bilir anı bu hükm-i sırr-ı pinhânı
Ki tevhîde 'alâmetdir suver ecsâm ile hey'ât
Eğer 'âşık isen Sûzî anı seyreyle her yüzden
Ki zâtı sırrını izhâr eder her görünen zerrât
Ahmed Sûzî
Kuddise Sırruh
Hiç yorum yok:
Yorum Gönder