NASÎHAT
'Ahd u peymânına vefâ eyle
Farz ile sünneti edâ eyle
Hicâb-ı zulmeti gider dilden
Anı zikr ile pür-zıyâ eyle
Geç fenâdan bekâya kıl nazarı
Mâsivâ resmini hebâ eyle
Hubb-i gayrı gönülden et zâil
Kalbin âyîne-i Hudâ eyle
Bu belâdan halâs edüp bâli
MEnzilin 'âlem-i bâlâ eyle
"Kâbe kavseyn"e cân 'urûc etsin
Sidre-i sırrı müntehâ eyle
Bu fenâdan Fenâyî eyle 'ubûr
Mülk-i bâkîye er safâ eyle
Ehl-i Cennet Fenâyî Mehmed Efendi
Kuddise Sırruh
Hiç yorum yok:
Yorum Gönder