Âlemde Gam Kişiye Demâdem Gelir Gider

GAZEL

'Âlemde gam kişiye demâdem gelir gider

Âdem mi var ki âleme hurrem gelir gider

Her kişiye belâ yükünü çekdirir felek

Kimdir ki bu cihâna müsellem gelir gider

Nergis meğer ki bildi vefâsız-durur cihân

Bâğın yolunda gözleri pür-nem gelir gider

Göz yum cihândan aç gözünü kendi hâline

Sen göz yumup açınca bu 'âlem gelir gider

Gözüm evine hayl-i hayâl-dürür gelen

Kimim var andan özge dahi nem gelir gider

Hicrinle haste kûşe-i mihnetde zâr iken

Tenhâ komaz gamın beni her dem gelir gider

Cehd et ki hayr ile analar halk adını

Âlemde adıdır kalan âdem gelir gider

Müftî's-sekaleyn Kemâlpaşazâde

Rahmetullahi aleyh