NUTK-İ ŞERÎF
"Kâlû belâ"da 'aşk idi bu cisme lutfun cân iden
Oldur yine hem tâ ebed her derdlere dermân iden
Her kim diledi yârlığın değşirdi 'aşka varlığın
Oldur ahî anın ile her müşkili âsân iden
Ne zühd ü takvâ işleri ne'ki cihân teşvişleri
'Aşka satar her işleri yoluna cân kurbân ideni
Her kim cemâlinden nikâb götürse görür bî-hicâb
Hem istemez andan hisâb lutfun ana ihsân iden
Anın nikâbı cân u ten 'akl u gönül ü sen ü ben
Sen ben dimeklikden geçer 'aşkda özün vîrân iden
Yer gök doludur ol ganî her zerrede görür anı
Gönül gözüyle dem-be-dem 'aşk iline seyrân iden
'Alemlere gözgü olur her kim baksa nakşın görür
Andan nişân mı gösterir gencin anın pinhân iden
Sen diler isen ol eri isteme anı serseri
K'oldur bu câna sırları ser-defter-i dîvân iden
Anın yoluna 'Âşık'ın cânı nice terk olmasın
Çün kim olardır bir kulu 'alemlere sultân iden
İbrâhim Tennûrî
Kuddise Sırruh
Hiç yorum yok:
Yorum Gönder