Yuf

NUTK-İ ŞERÎF

Aldanma gönül dünyâ-yı gaddârına kıl yuf

Ol mekr idici kevkeb-i seyyârına kıl yuf

Doğru varana Hakk yoluna Hakk'dan 'atâdır

Eğri varanın cübbe vü destârına kıl yuf

Vâ'iz ki ider bunca rivâyât ile va'azı

Ef'âlini gör anın ki kirdârına kıl yuf

Uçmağa yüzün tutdu gider zâhid-i sâlûs

Tesbîh ile seccâde vü zünnârına kıl yuf

Zâhid hod ider dünyâ benim âhiretim var

Hoş-baht-ı hayâl eyledi pindârına kıl yuf

Hurşîd u kamer tâ kim urur çarh-ı semâ'ı

Bîhûde gezer gerdiş ü devvârına kıl yuf

Yuf koltuğuna söylerem ey şeyh-i şeyâtîn

Misvâkını ko turre-i tarrârına kıl yuf

Mü'minlere zindân-ı belâ dünyâ-yı fânî

Ko dünyâyı vü cîfe-i murdârına kıl yuf

Şeytân-ı la'în secdeye indirmedi başın

İkrârı anın yokdur u inkârına kıl yuf

Bir ehl-i nazar bulmadı bu dünyâda kâmil

Bîhûde doğar matla'-ı envârına kıl yuf

Tâ buldu Nesîmî ser-i kûyinde makâmı

Koydu çemen ü cennet ü gülzârına kıl yuf

Seyyid Nesîmî

Kuddise Sırruh