Hiç Olur mu Ey Gönül Bu Emr-i Sübhân İle Bahs

NUTK-İ ŞERÎF

Hiç olur mu ey gönül bu emr-i Sübhân ile bahs

Nice mümkin kullar itmek hükm-i sultân ile bahs

Zerre hîç idebilir mi mâh-ı tâbân ile bahs

Katre nice eylesin hiç bahr-i 'ummân ile bahs

Zât-ı Hakk'da zâhir olmuş bir tecellî şu'lesi

Anın içündür müdâm nefs ü Şeytân ile bahs

Haşrı inkâr eyleyen mülhidlerin dâim işi

Eylemekdir dâimâ ol nass-ı Kur’ân ile bahs

Oldu Kur’ân enbiyâ vü evliyâya rehnümâ

Nice mümkin müşrik itmek ehl-i imân ile bahs

Füls-i ahmer mâliki olmaz iken bir nâkesi

İdebilsin mi 'aceb ol kenz-i pinhân ile bahs

Hep kazâ vü kudretin ahkâmıdır cevlân iden

'Âkil isen itme aslâ hükm-i Rahmân ile bahs

Ma'nevîyâ dem bizim devrân bizimdir her nefes

İtmeyiz hiç bundan özge dem u devrân ile bahs

Mustafa Manevî Efendi

Kuddise Sırruh