Cânı Terk İtmek Gerek Bu Evde Cânân İsteyen

NUTK-İ ŞERÎF

Cânı terk itmek gerek bu evde cânân isteyen

Kahrı nûş itmek gerek derdine dermân isteyen

Ma'şûkun yolunda 'âşık nâ-murâd olmak gerek

Ma'şûka vasl olmaya hicrinde pâyân isteyen

Ben ki ma'şûkun rızâsın isteyüp buldum bugün

Sâdıku'l-kavl olmaya küfrüne îmân isteyen

Ben bu sûret milkini kıldım harâb anın içün

Genci bulduysa 'aceb olmaya vîrân isteyen

Şems firâkı ağusun nûş ile vasl-ı yâr içün

Hâr cevrini çeker şol gül-i handân isteyen

Sultân Akşemseddîn

Kuddise Sırruh