Ey Dil Yürü Zâr Eyle Kim Zârın Nice Bir Zâr Ola

NUTK-İ ŞERÎF

Ey dil yürü zâr eyle kim zârın nice bir zâr ola

Aç gözünü dîdârı gör bu uykudan bîdâr ola

Ölmeden önden bul memât hayy ol içüp âb-ı hayât

Hem ol ki mahv-ı mahz-ı zât cân vâkıf-ı esrâr ola

Dil vuslata nâil olup cânâna cân vâsıl olup

Her matlabın hâsıl olup hârın gül-i gülzâr ola

At varlığı varı n'iden ko 'ârını 'ârı n'iden

Bul yârı ağyârı n'iden her dem enîsin yâr ola

'Âşıksan özle yârını terk idüp 'âr u vârını

Sa'y eyle bul dildârını kim manzarın dîdâr ola

Ey cân u dil dîdâra bak hem hâl ü hem ruhsâra bak

Ko gayrıyı bu kâra bak kârın meğer bir kâr ola

İr sâfiyâne bul safâ senden kamu olsun nümâ

Âyîne-i dildeki tâ görünen ol dîdâr ola

Osman Hulûsî Efendi

Kuddise Sırruh