Tövbeye Gel Tövbeye

NASÎHAT

Ey deli mağrûr u 'âsî tövbeye gel tövbeye

Niceye değin ma'âsî tövbeye gel tövbeye

Ömrü harcı işlere harc itme ger diler isen

Kim olasın Tanrı hâssı tövbeye gel tövbeye

Ko 'avâmın meclisin zinhâr u iste bul

Sohbet-i hâssü'l-havâssı tövbeye gel tövbeye

Halka zulm itme an ol günü ki Hakk kâdî ola

Vire dâd ala kısâsı tövbeye gel tövbeye

Hey eyü dirlik diril unutma şol ölenleri

Kim kodular sini vâsî tövbeye gel tövbeye

Gafil olma âhiret korkularından 'âkıbet

Ger diler isen halâsı tövbeye gel tövbeye

Bâgî Şeytân'dan kaçarsan uş Kemâl Ümmî sana

Gösterivirir menâsı tövbeye gel tövbeye

Kemâl Ümmî

Kuddise Sırruh