Gider

NUTK-İ ŞERÎF

Emr -i şerî'at terk ola binlerce bin ânlar gider

Kitâb-ı Hakk metrûk ola seller gibi kânlar gider

Yerde kala emr-i Hudâ olmaya Kur`ân'la nidâ

Seddoluna bâb-ı hüdâ merhamet-i Rahmân gider

Secde-i Rahmân olmaya fetvâ yerini bulmaya

İslâm kitâba uymaya elde olan ihsân gider

Kesile ellerden kerem tahkîr oluna muhterem

Kesret bula derd-i verem derdimize dermân gider

Şems-i hüdâ ide gurûb kalbler ola bahr-i kürûb

Zâhir ola kahr-ı guyûb 'afvımıza fermân gider

Yüzden hayâ gitse eğer kalmaya îmândan eser

Dünyâ olursa mu'teber rûz-i cezâ cinân gider

İslâma hürmet olmasa îmân kemâlin bulmasa

Kur`ân kalblerde kalmasa 'ind-i Hudâ bürhân gider

Emr-i Hudâ'ya ol fedâ Lutfî doğa nûr-ı hüdâ

Cândan 'azîz emr -i Hudâ cinâne müslümân gider

Alvarlı Efe Hâce Muhammed Lutfî

Kaddesallahu Sırrahu'l-Âlî