Rızâ-yı Bârî'de Şer'-i Şerîfi Cânda Cân Eyler

NUTK-İ ŞERÎF

Rızâ-yı Bârî'de şer'-i şerîfi cânda cân eyler

Kimin kim kalbini nûr-ı muhabbet 'âlî-şân eyler

Te'âlâllah zehî tûr-ı mu'allâdır bu sırr-ı 'aşk

Nevâkısı ider ikmâl bütün varlığı fân eyler

Eğer sırr-ı süveydâyı sorarsan ehl-i dilden sor

Velî ketmetse bir yüzden diğer yüzden 'ayân eyler

Cenâb-ı Hazret-i Bârî yere göğe sığmaz iken

Derûn-i dil-i dindârda mekânsız bir mekân eyler

Gönül bezm-i elestden tahtgâh-ı hubb-ı Mevlâ'dır

Tecellîhânesinde feyz-i Mevlâ'sın nihân eyler

Eğer nâm-ı Muhammed hassasından bir eser olsa

Kamu kâfir olur müslim cehennemi cinân eyler

Eğer şer'-i şerîfe cân u dilden sa'y ider Lutfî

Hakk'ın lutf-ı ilâhîsi gönülde feyezân eyler

Alvarlı Efe Hâce Muhammed Lutfî

Kaddesallahu Sırrahu'l-Âlî