NUTK-İ ŞERÎF
Sırr-ı tevhîd seyridir bak mevc-i 'ummândan garaz
Zevk-i dil bulmakdır ancak kesb-i 'irfândan garaz
Bu Kitâbullah bize bildirdi Hakk'ın emrini
Bir hayât-ı câvidândır emr ü fermândan garaz
İhtiyârsız gönlümü verdim güzeller şâhına
Kim eder bu zevki ihsân seyr-i hûbândan garaz
Ya Bâyezid-i zemân yâhud Cüneyd-i âlî-şân
Yüz yere koymak gerekdir şâh-ı devrândan garaz
Lutfiyâ ger dilberi dilde dilersen çek elin
Hubb-ı mâsivâyı terk et lübb-i ihsândan garaz
Alvarlı Efe Hâce Muhammed Lutfî
Kaddesallahu Sırrahu'l-Âlî
Hiç yorum yok:
Yorum Gönder