MÜNÂCÂT
Cenâbından revâ mıdır habîbî
Ki nâra yandırasın bu garîbi
Cemâlin ravzasından hâşe lillah
Ki mahrûm eyleyesin 'andelîbi
Bizi bu derde sen itdin giriftâr
Anın sensin yine ancak tabîbi
Temennâ-yı visâlinde dil ü cân
Ara yirden gider lutf it rakîbi
Senin fermânına gerden-keş olan
Anın boynında bağlıdır salibi
Gönülde yazıla "nasrun minallah"
Müyesser kıl ana "feth-i karîb"i
Düşüp sevdâ-yı sevdâna Fenâyî
Ezelden bu imiş anın nasîbi
Ehl-i Cennet Mehmed Fenâyî Efendi
Kaddesallahu Sırrahu'l-Âlî
Hiç yorum yok:
Yorum Gönder