NUTK-İ ŞERÎF
Belâ bezmi bu halka gerçi dündür
Velî 'âriflere ol gün bugündür
Bu bezmin sâkîsi cümle bir iken
Kimi a'lâ kimi ednâ niçündür
Gel ey 'aşk eri koma 'aşkı elden
Nazargâh-ı Hudâ sırr-ı derûndur
Güzer eyle nukûş-ı kâinâtdan
Gönül virmek ana 'ayn-ı cünûndur
Hasîn-i hısn-ı zikre dâhil olan
Dü 'âlem havf ü hüznünden masûndur
Ne mümkündür semâ-yı kudse pervâz
Hevâ-yı nefs elinden kim zebûndur
Fenâyî bendeni irgür nûr-ı zâta
Bu sırra vâkıf olan 'ayn-ı nûndur
Ehl-i Cennet Mehmed Fenâyî Efendi
Kaddesallahu Sırrahu'l-Âlî
Hiç yorum yok:
Yorum Gönder