MÜNÂCÂT
Bize lutf u kerem ebvâbını aç
Kapundan gayra yâ Rabb kılma muhtâc
Geçür zulmânî nûrânî hicâbı
İrişe sırrımıza nûr-ı vehhâc
Nazar eyleme sehv ile kusûra
Baş açup pâyine geldik yalın aç
Müyesser kıl şühûd-ı nûr-ı zâtın
Sivâ kaydını eyle dilden ihrâc
'Ubûr it berr-i firkat menzilinden
Visâli ka'besine eyle mi'râc
Güzer kıldı zemîn ü âsumandan
İdenler müntehâ-yı vasla mi'râc
Fezâ-yı sırr-ı tefrîde ir ey cân
Kadem basmadı ol meydâna Hallâc
Fenâyî bendeni bir bahre irgür
Görüne katresinden nice emvâc
Fenâyî Mehmed Efendi
Kuddise Sırruh
Âmîn
YanıtlaSil