'Aşk-ı yâre düş olaldan yârimi gördüm 'ayân
Ref' idüp şekk ü gümânum müşkilim kıldım beyân
Bu ne müşkil derd olur kim kendim ister kendimi
Kendimi kendim ararken olmuşam ben bî-nişân
Zâhiren baksan bana bir sûret-i insânîyem
Ma'nîde gel gör beni kim cümleden oldum nihân
Bu vücûdum mülkünü feth ideli şemşîr-i 'aşk
Saltanat küllî benimdir olmuşam şâh-ı cihân
Bahr-i 'aşka gark olaldan varlıġım ey Hâşimî
Cümlesin verdim fenâya 'aşk ile kaldım hemân
Hâşimî Emîr Osman Efendi
Kuddise Sırruh
Hiç yorum yok:
Yorum Gönder