Benim Bunda Karârım Yok Ben Bunda Gitmeğe Geldim

NUTK-İ ŞERÎF

Benim bunda karârım yok ben bunda gitmeğe geldim

Bezirgânem meta'ım çok alana satmağa geldim

Ben gelmedim da'vâ içün benim işim sevi içün

Dost'un evi gönüllerdir gönüller yapmağa geldim

Dost esriği deliliği 'âşıklar bilir neliğim

Değşürüben ikiliğim birliğe yetmeğe geldim

Ol hocamdır ben kuluyum Dost bağçesi bülbülüyüm

Ol hocamın bağçesine şâd olup ötmeğe geldim

Bunda bilişmeyen canlar anda bilişmez anlar

Bunda bilişüp Dost ile hâlim arz etmeğe geldim

Yûnus Emre 'âşık olmuş ma'şûka derdinden ölmüş

Gerçek erin kapusunda cânım arz etmeğe geldim

Yûnus Emre

Kuddise Sırruh