NUTK-İ ŞERÎF
Bu cihânda vardır 'aceb hâlimiz
Ağniyâyız lîk yokdur mâlimiz
Taht-ı dilde şâh ile şâh olmuşuz
Gayrı yokdur dünyâda bir şâhımız
Zâhidâ bilmek nedir râh-ı sevâb
Gel şerî'at içre anla râhımız
Mazhar-ı şems-i hakîkat olalı
Burc-ı dilde bulmuşuz biz mâhımız
Bu cihânı vermişiz biz ehline
Bu yeter çün dildedir dil-hâhımız
Kâr-ı dünyâ mâline meyl etmeyiz
Yokluk oldu elde re's-i mâlimiz
Fahr ederiz fakr u fenâ ile biz
Sünnetidir Fahr-i 'âlem şâhımız
Dü cihân mansıbların verdik size
Bize besdir dilde 'izz ü câhımız
Sûzî dile olma nişâne sakın
Gün ola dokuna tîr-i âhımız
Ahmed Sûzî
Kuddise Sırruh
Hiç yorum yok:
Yorum Gönder