MÜNÂCÂT
Rabbenâ meydân-ı gafletde zebûn etme beni
Geştgîr-i nefs elinde sernigûn etme beni
Râh-ı istiğnâda zâd-ı re'fetin eyle kerem
Bâr-bürd-i imtinân-ı merd-i dûn etme beni
Kûşe-i 'uzletde tevfîkin refîk eyle bana
Çârsû-yi gamda bî-sabr u sükûn etme beni
Kıl müdâvâ-yı şifâ-bahşâ-yı ihsânın 'atâ
'İllet-i 'ısyânda haste-derûn etme beni
'Ukde-i "hakka'l-yakîn"i eyleyüp hall ü beyân
Kayd-bend-i rişte-i şekk ü zunûn etme beni
'İlm-i sırrından haberdâr et Rızâ bîçâreyi
Mübtelâ-yı mebhas-i "kâne yekûn" etme beni
Neccarzâde Rızâ Efendi
Kuddise Sırruh
Hiç yorum yok:
Yorum Gönder