NUTK-İ ŞERÎF
Bismillah ey muhib-likâ cûy-i dil-nişîn
Bast etdi dilde sofra-i 'aşk-ı dil âferîn
Hem 'âmm u hâss rahmetini hurmet etdi kim
'Iyân-ı kâinât olalar anda hûşe-çîn
Her hamd o "Rabbi'l-'âlemîn"edir kim müdâm
Olur hem evvelîn garîk-i nevâli hem âhirîn
Çün Mâlik-i kuvâ-yı 'ibâd oldu rûz-i kesb
Sermâye-i cezâ hem odur halka "yevmi'd-dîn"
'Aşkında fânî olmadır "iyyâke na'büdü"
Andan bekâ seninledir "iyyâke nesta'în"
Seninsin hidâyet eyleyici "ihdine's-sırât"
Tâ nûrun ola kalbime 'âlemde müstebîn
Fark-ı fakat netîce-i kahrındır ol 'azîm
Cem'-i fehasbü hükm-i dalâletdir mübîn
Ver kalbe cem'-i tefrîka vü cem'i tâ bulam
Fark içre cem'i cem' ile farkı olam emîn
Hakkı kulun duâsı fenâdır fenâ hemân
Fakr u fenâyı bahş kıl âmîn yâ Mu'în
Erzurumlu İbrâhim Hakkı
Kuddise Sırruh
Hiç yorum yok:
Yorum Gönder