NUTK-İ ŞERÎF
Dil-i mahzûnumuzu eyledi şâd u handân
Geldi yümn ile yine şehr-i mübârek Ramazân
Oldu nûruyla zıyâ-bahş kamu iki cihân
Geldi 'izzetle yine şehr-i mübârek Ramazân
İtdi ķullarına in'âmını Mevlâ-yı Kerîm
Bâb-ı fazlını açup eyledi ihsân-ı 'azîm
Umarız ire makâmına geçen 'ahd-i kadîm
Geldi yümn ile yine şehr-i mübârek Ramazân
Zenb ü taksîrimizi rahameti ide sâlib
Mâsivâ resmi ola dîde-i dilden gâib
Cân u dilden olalım rü'yet-i yâre tâlib
Geldi 'izzetle yine şehr-i mübârek Ramazân
Burc-i mes'ûda irüp tâli'imiz ola sa'îd
Gecemiz kadri bulup rûzumuzu eyleye 'ıyd
Hâsıl olsun der isen sûret-i ma'nâ-yı ümîd
Geldi devletle yine şehr-i mübârek Ramazân
Savm u tesbîhimizi eyleye lutfuyla kabûl
İki 'âlemde nasîb ide visâline vusûl
Kıla ihsân Fenâyî kuluna fevka'l-me'mûl
Geldi yümn ile yine şehr-i mübârek Ramazân
Fenâyî Cennet Efendi
Kuddise Sırruh
Hiç yorum yok:
Yorum Gönder