NUTK-İ ŞERÎF
Kim ki bilmez kend'özün ma'bûd bilmez n'idüğün
Bu cihâna gelmeden maksûd bilmez n'idüğün
Sûret-i Rahmân'ı kim her yerde hâzır görmedi
Câhil ü nâdândır ol mevcûd bilmez n'idüğün
Kim ki "vescüd vakterib" sırrından âgâh olmadı
Emr-i Hakk'ı terk eden merdûd bilmez n'idüğün
Mü'minin kalbi nazargâh-ı Hudâ'dır bilmeyen
Bî-haberdir sâcid ü mescûdu bilmez n'idüğün
Ömrünün sermâyesin yok yere Seyfî sarf eden
Ol basîretsiz zebânî sûd bilmez n'idüğün
Seyyid Nizâmoğlu Seyyid Seyfullah
Kuddise Surruh
Hiç yorum yok:
Yorum Gönder