Âsâf'ın Mikdârını Bilmez Süleymân Olmayan

GAZEL

Âsâf'ın mikdârını bilmez Süleymân olmayan

Bilmez insân kadrini 'âlemde insân olmayan

Zülfüne dil vermeyen bilmez gönül ahvâlini

Anlamaz hâl-i perîşânı perîşân olmayan

Rızkına kâni' olan gerdûna minnet eylemez

'Âlemin sultânıdır muhtâc-ı sultân olmayan

Kim ki korkmaz Hakk'dan andan korkar erbâb-ı 'ukûl

Her ne isterse yapar Hakk'dan hirâsân olmayan

İ'tirâz eylerse bir nâdân Ziyâ hâmûş olur

Çünki bilmez kadr-i güftârın sühan-dân olmayan

Ziyâ Paşa

Rahmetullahi aleyh