Bâde-i Vahdet Dilersen Meskenin Humhâne Kıl

NASÎHAT

Bâde-i vahdet dilersen meskenin humhâne kıl

İç şerâb-ı aşkı her dem kendözün mestâne kıl

"Küntü kenz"in gencini bulmak dilersen tâlibâ

Ejderhâ-yı nefsi öldür kalbini vîrâne kıl

Vâsıl-ı Hakk ol enâniyyet hicâbın ref' edüp

Şem'-i cemâle bakuban kendözün pervâne kıl

Cân u dil mir`âtına bak mâsivâyı tard edüp

Deme her  şeye fülândır vechini cânâne kıl

Geç te'ayyünden Fuâdî 'âlem-i ıtlâka düş

Kat' edüp bend-i izâfâtı özün yekdâne kıl

Ömer Fuâdî

Kuddise Sırruh