Gönül Envâr-ı Hurşîd-i Hakîkatden Münevverdir

NUTK-İ ŞERÎF

Gönül envâr-ı hurşîd-i hakîkatden münevverdir

Anınçün sırr-ı remz-i "alleme'l-esmâ"ya mazhardır

Hicâb ancak yine kendi özündür yoksa ey zahid

Tecelliyât-ı vahdet serteser 'âlemde azherdir

Hemân sen mürg-i cânın lânesâz-ı bâğ-ı teslîm et

Gelir gam çekme asla rızk-ı maksûmun mukadderdir

Tecellî-i celâl eylerse me'yûs-i 'atâ olma

Teselliyât-ı envâr-ı cemâl elbet mukarrerdir

Gel imdi hâkipây-ı şeyhi kuhl-i dîde kıl Sıdkî

Tarîk-ı aşk-ı Hakk'da rehnümâdır sana rehberdir

Şeyh Sıdkî Efendi

Kuddise Sırruh