NUTK-İ ŞERÎF
Nice bir 'ömr-i girân-mâye telef olmakdadır
'Ayş u 'işret nefsine böyle 'alef olmakdadır
Çünki bu fânî vücûdu virdi bâkîye selef
Muktezâ-yı 'akl-ı küll hayr-ı halef olmakdadır
Günde bin biri gelüp biri gider Hakk emrine
Defter-i a'mâl-i âdem neşr ü leff olmakdadır
Mühreden kemter olur kıymetde bazı âdemî
Kimisi lü'lü-i 'irfâna sadef olmakdadır
San zer u sîm oldu ahkâm u hakâik Hakkıyâ
Ehle bezl ü nâ-ehilden men' u keff olmakdadır
İsmâil Hakkı Bursevî
Kaddesallahu Sırrahu'l-Âlî
Hiç yorum yok:
Yorum Gönder