Hudâyî Olmayan Dilden Ne Hâsıl

NUTK-İ ŞERÎF

Hudâyî olmayan dilden ne hâsıl

Fedâyî olmayan kuldan ne hâsıl

Terennüm-sâz olunca mürg-i bustân

Bû-efşân olmayan gülden ne hâsıl

Gerekdir müşk-efşân bûy-ı yârân

'Itırsız târına kilden ne hâsıl

Harâretdir kemâl-i 'aşk zîrâ

Harâretsiz mey-i mülden ne hâsıl

Sadâ yakmak gerek bezm-i semâ'ı

Ki bî-sûz âh u gulgulden ne hâsıl

Mücerred nâle virmez nef' bî-sûz

Nevâ-yı savt-ı bülbülden ne hâsıl

'Abesdir kavl-i vâ'iz bî-hakîkat

Hakîkatsiz celâcilden ne hâsıl

Nedâmet tûşesi firkatden özge

Hemîn ey dil tegâfülden ne hâsıl

Nigârî ma'nîdâr olmak gerek söz

Hevâyî söyleyen dilden ne hâsıl

Seyyid Hamza Nigârî

Kuddise Sırruh