Ne Kadar Var?

NUTK-İ ŞERÎF

Ey nûr-ı basar nûr-ı basîret ile bir bak

'Âlemde olan zillet-i husrân ne kadar var

Ebnâ-yı zamâna hele 'ibret ile bir bak

Şeytân yoluna cân ile kurbân ne kadar var

Hayrât ü hasenât ile meşgûl olanı gör

Mağlûb-i hevâ Allah'a ısyân ne kadar var

Fısk ile fesâd mevc-i bahir gibi ziyâde

Her vakt-i seher kârî-i Kur`ân ne kadar var

Hâmil-i hayâ kaldı mı nisvânda ricâlde

Yüzlerine bak tâlib-i Rahmân ne kadar var

Lutfî ne sorarsın ki bugün halk-ı cihânı

Ara ki bulasın özü insân ne kadar var

Alvarlı Efe Hâce Muhammed Lutfî

Kaddesallahu Sırrahu'l-Âlî