NUTK-İ ŞERÎF
Geçmedi lokma ile hırkadan ebnâ-yı havâs
Ya'nî 'ummân-ı kanâ'atde olanlar gavvâs
Âteş-i 'aşk ile kânûn-ı derûnun yandır
Matbah-ı dilde pişir sen de pirinc-i ihlâs
Hâl-i fakr ile süveydâ-yı derûnun olsun
Habeşî bende siyeh câriye-i matbah-ı hâs
Sükkerî kahve neşât-âver olaydı bezme
Câma ni'me'l-bedel olur idi ke's-i hummâs
Câme-i zilleti ber-dûş-i hamiyyet eyle
Bezm-i rindân-ı safâya kadem-i 'işreti bas
Şâl u destâr ile zer-befte mukâbil tutsan
Şemle vü hırka-i peşmîne olur hâssü'l-hâs
Nâvek-i tengî-i dil-dûza siper vir sabrın
Zer-i ihlâs ile kıl cevşen-i tedbîri halâs
Tayy idüp vâdî-i îhâmı Salâhî hâmen
İtdi bu nazmımı ser-levha-i dîvân-ı havâs
Abdullah Salahaddîn Uşşâkî
Kaddesallahu Sırrahu'l-Âlî
Hiç yorum yok:
Yorum Gönder